News

Vawiin 24.12.2025(Inrinni) zing dar 5 atang khan Central YMA leh khawpui chhung branch thenkhat hruaitute, Police leh Excise & Narcotics Department-ten Aizawl khawpui chhungah ruihhlo do hnatlang an nei a, ruihhlo kaihhnawihah mi 100 chuang an khawm.

Hnatlanga thawk chhuakte hi hmun hrang hrangah insem darhin ruihhlo ngai, riahna mumal nei lo leh Aizawl khawpui chhung khawlai hmun remchanga riak thinte mi 100 chuang an khawm. Heng zingah hian mi 68 ( mipa- 42, hmeichhia-26) te chu Tawngtai Bethel Camping Centre (TBCC), Sakawrtuichhunah dah an ni.

Hnatlanga thawk chhuakte hi R. Lalngheta, President, Central YMA leh Zosangliana IPS, SP Aizawlten an ho a, K. Sapdanga, Home Minister leh Lalmuanpuia Punte MLA & Adviser to CM ten an tawiawm.

Home Minister chuan, “Ruihhlo ngai, riahna mumal nei lova khawlaia riak thin te hruaikhawm a, TBCC a dah tura Central YMA,-in hma a la hi lawmawm,” tiin Home a dah luhna tur senso atan Rs.1,00,000 a hlan nghal.

Central YMA-in ei tur a buatsaih sak a, chumi hnuah TBCC ah dah luh an ni.