A mawhphurtu ber CM leh Revenue Minister &#8211; Dr Lallianchhunga

MPCC Spokesperson Dr Lallianchhunga chuan vawiin (14.4.2026) hian Aizawl Press Club-ah press conference neiin, IAF-te tana Lengpui Airport bul ram laka a mawphurtu ber chu Chief Minister Lalduhoma leh Revenue Minister B Lalchhanzovate an nih thu a sawi.

Dr Lallianchhunga chuan Revenue MinisterB.Lalchhanzoa’n Assembly Session-a ziaka chhan chi zawhna (unstarred question) a chhanna atangin IAF-te tana Lengpui Airport bul ram lak a nih danah dan bawhchhiatna a awm tih a lan thu sawiin, “Dan bawhchhe chunga Lengpui Airport bul ram IAF-te tana an lak theihna tura remtihna petute chu Chief Minister leh Revenue Minister-te an ni. ZPM Sorkarin chhui chhuah tir a tum tak tak lo a nih chuan dikna leh rinawmna ZPM sorkarah beisei tur a awm lo tihna a ni ang,” a ti.

CM hlui Zoramthanga pawh a unaute pawisa cheng nuai 909 a kawl chungchangah nasa taka beih a tawh laiin, cheng vbc. 117.90 meuh insemna a awm ngei nia sawi awm chungchang hi Mizoram hmangaihtute tan en liam chi a ni lo tih sawiin, Cheng tam tak dik lo taka insemna a awm ngei nia lang hi chhui chhuah a nih ngei theih nan leh a mawhphurtute dan anga hrem an nih ngei theih nan Congress Party chuan theihtawp a chhuah zel dawn,” a ti a, IAF-te tana Lengpui Airport bul ram lak a nih avanga cheng vbc. 117.90 insemna awm nia sawi chu Mizoram history a mipui pawisa eirukna lian ber a nih thu a sawi.

Dan bawhchhiatna awm a sawite :

1.Section 54 of the Transfer of Property Act, 1882 – Ram neitute hnen a\anga Rohmingliana’n ram a leina sale deed a siam hi ram neitu tak takten an hriatpui lo. Compensation claim nana a tir a\anga a ram neitute hming Rohmingliana’n a la hmang thei ringawt pawh hi thil mak a ni.

2.Section 17 (1)(b) of the Registration Act, 1908 – Ram inleina document, sale seed hi sorkarah ziahluh (register) a ni lo. Register a nih loh avangin sorkarin Rs 30,000 a hloh

3.Article 23 (b)(i) of the Schedule to the Indian Stamp (Mizoram Amenbdment) Act, 1996 – Ram inleina hi dan ang takin tih nise chuan sorkarin Stamp Duty a\angin cheng vbc 5.61 a hmu ang. Mah se, dan bawhchhia a ram inleina kalpui a nih avangin sorkarin cheng vbc 5.61 a hloh a ni.

4.Section 100 of the Mizoram (Land Revenue) Act, 2013 – Ram neitu inthlakna reng reng chu Registration Act, 1908 hnuaiah in ziahluh (register) ngei ngei tur a ni.