Nov 03, 2025
Monday
Vanlalnghaka (48) h/o Zonunsangi, Zuangtui chu nizan (2.11.2025) khan motor (tipper) ah thiin hmuh a ni.
Zuangtui atanga Bengvarna thudawn danin, Vanlalnghaka hi Zochachhuahah bungraw dahin a kal a, a haw hun tura ngaihah a haw loh avangin nizan khan a chhungten an zawng a ni. A motor leinate’n GPS tracker hmanga chhuiin, motor hi Bung Bangla leh Tuirial Airfield innkarah a awm tih an hre thei.
A motor hi kawng sirah tha takin a indah a, an hmuh chuan motor-ah hian a lo thi tawh. Lang thei maiah chuan hliam hnuhma hmuh a ni lo. A ruang hi postmortem tur niin, chhun dar 1 ah vui a ni ang.
