ADDMA Chairman-in hriattirna a chhuah

Aizawl District Disaster Management Authority (ADDMA) Chairman Lalhriatpuia, DC chuan hriattirna chhuahin, Kulikawn (Ngaizel) pheia lungtla/leimin hlauhawm tak awm mek chu a hnuai kawng hmangtute him zawk nan mithiamte ruahman angin draping (tuam) mek a ni tih tarlaangin, “He office lehkha No.C.16011/138/2019 DC(A)(DMR) dt 1.08.2026 hriattirna kan lo chhuah tawh chu khawchhiat vangin hna la thawh zawh a ni lo,” a ti.

Heivang hian ADDMA Chairman chuan Disaster Management Act, 2005, Section-30 (2)(v) & (xviii) leh Section- 34 in thuneihna a pek angin hnathawh hun chhung pawh atan a hnuaia tarlan ang hian.

1.Kulikawn (Ngaizel) phei a draping (tuam) hna thawh chhunzawm chhung 10th August, 2026 – 11th August, 2026 (10:00 am – 4:00 pm) chu lirthei eng chi mah tlan phal a ni lo ang. Nghakliana Filling Station pawh hnathawh hun chhung hi chuan khar tur a ni.

2.Superintendent of Police, Traffic, Aizawl in duty in dahin a tul angin lirthei tlan dan ruahmanna an siam ang.

3.Draping (tuam) hna thawh zawh hnuah PWD, Road South Division-ten kawng a lung leh lei tla te thenfai hna an thawk ang.