News

ZPM member C Lalchhuanthanga zawhna chhangin DPAR Minister K Sapdanga chuan aikal lak khapnain zawm that a hlawh thu vaawiin (3.3 2026) hian Assembly Session-,ah a sawi.

DPAR Minister chuan aikal lak khapna zawm tha lo department-te sawi chhuakin, action lak a nih dan a sawi nghal.

K Sapdanga sawi danin, aikal khapna zawm tha lo department-te chu : Aikal lak vangin Tourism Department atangin mi 18 chawlhtir an ni, Power & Electricity Dept atangin mi 7 chawlhtir an ni, Education Dept atangin mi pahnih chawlhtir an ni, GAD leh Health Dept atangin mi palhat ve ve chawlhtir an nih bakah, Higher & Technical Education Dept-ah mi pasarih hremna tennau zawk pek an ni.

Tun hnaiah Samagra Shiksha hnuaiah aikal la mi 9 hmuh chhuah thar an ni a, a concern officer-te thu zawhfiah an nih hnuah action lak a ni dawn.

DPAR Minister chuan loh theih loh avanga aikal lak phalna dan siam a nih dawn loh thu leh hnathawk thei ngang lote tan special pension scheme siam a nih thu a sawi.