Jun 24, 2026
Wednesday
Central Anti Drugs Squad (CADS), Excise & Narcotics Department leh Assam Rifles tangkawp chuan nimin (June 23, 2026) khan Tuikual North-ah Zaithantluangi (43) leh Lalhriatpuii (53) te bakah, hmeichhe naupang kum tlinglo pakhat hnen atangin heroin hawng 5 an man.
CADS tarlan danin, heroin hawng 5 an man takte hi Khawmawi (Burma)-a cheng, May-i (IG : mayibaby8) tia hriat ta a ni. Khawmawi-a cheng May-i hian Mizoram atangin naupang kum tling lote an haw, dawra thawk tura sawmin a thlem chhuak thin. Naupang kum tling lote chu an tang rei thei lo tih chhuanlam a hmangin, ruihhlo keng tura hmanrua atan hlawh neia a rawn tirh thin thu an sawi.
Hetianga May-i mi tirh naupang kum tling lo hi vawi eng emaw zat man an lo ni tawh. Heng ruihhlo man tak teah hian dan ang a thubuai ziahluh a ni. May-i hi Khawmawi-ah a awm daih avangin CADS chuan an la man thei lo.
