Alluminium square frame a dah heroin an man

Tuhnai khan Khankawn Police Checkgate-a duty Champhai Police-te chuan Champhai atanga Aizawl pan tur maxi cab (Reg. No. MZ-04-6727) chu rinhlelh avangin an lo tiding a, heroin an man.

Police-te chuan motor an rinhlelh hi uluk takin an enfiah a, heroin ni ngei a hriat sahbawn bawm 31 a dah, grams 359, Rs 71,80,000/- man hu chu an hmu chhuak a, an man.

He ruihhlo hi aluminium square frame (siamchawp) chhungah thuhruk a ni a, Lalthanpari (21), Lalnuntluanga fanu, Khawmawi, Myanmar-a awmin Champhai Maxi Cab Counter atanga a rawn thawn a ni.

He thil thleng hi uluk taka chhui zui nghal niin, Aizawla he ruihhlo lam tura lo kal mi pahnih, Lalchhanhima (35), C. Ramliana (L) fapa, Lengte (tuna Falkland-a awm) leh Lalhmunsiami (42), Lalzawmliana (L) fanu, ITI Veng (tunah Falkland-a awm) te chu Thuampui (Falkland Peng), Aizawlah Bawngkawn Police Station (Aizawl DEF) ten nen tangkawpin man an ni.

He thila inhnamhnawih dangte pawh chhui zui zel an ni. Ruihhlo mante hi dan anga hmuhpuitu (witness) te hmaah uluk taka lakkhawm a ni.

He thil chungchangah hian Champhai Police Station-ah CPI PS C/No 25/2026 dt 14.02.2026 u/s 21(c) of ND&PS Act r/w U/s 21 of The Immigration and Foreigners Act, 2025 hnuaiah case ziah luh a, investigation kalpui mek a ni.