Aug 07, 2026
Friday
Assam Rifles tarlan danin, Directorate of Revenue Intelligence (DRI), Aizawl nena tangkawpin nimin (6.8.2026) khan methamphetamine thahnem tak an man.
AR leh DRI hian an thudawn bawhzuiin joint operation Sakei Bangla Restaurant, Seling bulah an nei a, Suzuki Eeco Ambulance chu lo ti dingin an endik a, methamphetamine kgs. 15, cheng vbc. 45 man hua chhut chu hmu chhuakin an man.
Rinhlelh an tawh lohna atan hmeichhe pakhat chu damlo angin an phur a ni. Motor khalhtu (mipa) leh damlo anga an phurh bakah hian motor-a chuangve mipa pakhat chu man tel an ni.
Methamphetamine leh mi pathumte chu DRI hnenah chhuizui atan leh dan anga hmalak turin hlan a ni. Heng mi pathumte hi Champhai lam mi vek a nia hriat a ni.
