AMC hotute an thukhawm

Vawiin (12.5.2026) chhun khan AMC term 4-na atana Executive Council Meeting hmasa ber chu Mayor H. Lalremtluanga kaihhruainain a office-an thukhawm.

Meeting-ah hian Deputy Mayor R Lalawmpuii, Executive Council Member – Christina Roluahpuii Sailo, Vanlalhruaia, Vanlalfaka leh K. Lalrodinga, AMC Commissioner Joseph H. Lalramsanga leh AMC-a officer dang an tel.

Executive Council chuan AMC hmasawnna atana hmalakna tur chi hrang hrang leh felfai taka chak zawka hmalak dan turte, khawpui chhung enkawl kawnga hna a thawh dan tur pawimawh tak takte sawihoin, hmalak dan tur ruahmanna an siam a ni.

Aizawl khawpui chhung changkanna leh hmasawnna ruhrel hmel thar kan hmuh zel theih nan Ward Committee din dan tur leh chak zawka kalpui a nih theihna turte sawiho a ni a, AMC tha alo chak leh zual zawk nan Local Council te nena inthlawp tlata tha leh zuala thawhho dan turte an sawiho bawk.

AMC Jt. Commissioner Lalremruata Kullai chuan AMC dinhmun leh a hnathawh thin bakah, AMC in dan leh hrai a kenkawh hrang hrang chunchangah presentation-pe in, AMC function hrang hranga hmasawnna tur leh mipui tana chhenfakawm zawka kal pui turin zirchian ngai laite lo zirchiang turin Study Team din rel a ni.