News

Israel VL Ramropuia Ralte (40) s/o J Lalsawmliani, Tawipui South chu vawiin (15.6.2026) chawhma dar 11 vel khan a thi a, an in atangin an kawmthlang lamah a tla thla, khamah a lum zui nia rin a ni.

Thudawn danin, vawiin chawhma lam khan YMA Day lawmna puala sports an neih turah an section hruaitute chu Israel VL Ramropuia sawm tur hian an inah an kal a, a lo awm lo. An thenawmnu thingpui dawr nei chuan zingah thingpui a inziah thin laiin, tukinah chuan an dawr a tlawh loh thu a hrilh.

Chuvang chuan a in hi an enchiang a, thlang lam bang rawp deuh tawh chu a lo kuak deuh avangin a inthlang lam khamah zawnah an pawng koh a ni. VL Ramropuia hian a lo chhawn thei a, an zuk thlen thlaka an han buaipui hnu rei loteah nikhua a hre lo zui.

Damdawi in lam panpui nimah se, chhan theih a ni tawh lo. A lo awmna hi an in atanga metre 100 vel a ni. VL Ramropuia hi amah chiaha awm a ni a, engtianga tlak nge tih leh a tlak hun hriat a ni lo. Naktuk chhun dar 11 ah vui a ni ang.