May 14, 2026
Thursday
Special Judge Prevention of Corruption Act chuan Tourism Minister hlui John Rotluangliana anticipatory bail dilna a phalsak. John Rotluangliana anticipatory bail dilna hi ni 11.5.2026 khan ngaihtuah a ni.
John Rotluangliana anticipatory bail phalsak a nih hian bail bond chu cheng nuai 2 a nih bakah a tih tur leh tih loh tur hrang hrang tarlan a ni.
Court-a sawi a nih danin, John Rotluangliana hi cancer patient a ni a, inzai, radiation therapy leh hyperbaric therapy vawi eng emaw zat hmachhawn tawh, a natna vanga hun bituka medical examination leh treatment lak ngai a ni.
Tin, MLA vawi tam tak lo ni tawh, zahkhai senior citizen a ni a, man a nih chuan vantlangah a hming a hliau phah dawn a ni.
John Rotluangliana tih leh tih loh turte :
1.Thubuai ngaihtuahnaah tha taka thawhpuiin, a tul hun apiangah court ah a inlan thin ang
2.Direct emaw mi dang kaltlang emaw pawhin he case nena inzawm te lakah inrawlh, vau leh thil a tiam tur a ni lo
3.Finfiahna awmte chu eng kawng mahin a khawih danglam tur a ni lo
4.Court phalna la hmasa loin state a chhuahsan tur a ni lo
