News

Vawiin (12.3.2026) Assembly Session-ah UD&PA Minister K Sapdanga chuan canteen square-a Assam Rifles Mandir chu sawn ngei a nih dawn thu a sawi.

ZPM member T Lalhlimpuia zawhna chhangin K Sapdanga chuan mandir hi a lo hmang mekten an hauh viau thu sawiin, “Assam Rifles-in min hlan chhawn chhung a mi a nih miau vangin kan Chief Minister pawh a tang khawp mai a, a nawr nasa. Sorkar Laipuiin sawn chhuah an remti,” a ti.

UD&PA Minister chuan mandir sawn chhuahna tur hi zawn mek a nih thu sawiin, “A hmun tur kan zawn nasa a, kan hmuh hmuh ‘a thiang lo’ an ti zel,” tiin beidawng tawpah chuan khawiah emaw sawn chhuah an nih tho tur thu a sawi.

UD&PA Minister sawi danin, mandir awmna hmun hi kawng zauhna atan bakah mipui tuallenna turin ‘public park’ atan hman a ni dawn.