Ar thahnem tak an tih hlum sak

Khuangleng, Champhai District-a ar tui char char chi Whiteleghor thahnem tak vulh az thalaite enterpreneur khawvel a bung thar min rawn kaipuitu John Lalrinchhana Jahau ar tuilai 811 leh Zo ar nen a a thlahpawlh a note 20/30 vel chu ni 27.3.2026 zan khan tihhlum sak vek a ni.

Tun dinhmunah hian Khuangleng khua chuan wrtui tharlam em em nitin an ei theih phah tawh a, khaw thenawm leh Champhai thleng pawhin duh ngawih ngawih mah se, ala chawm zo loin ar sing bi vulh thei turin ruahmanna lian zawk loan-te nen a in ruahman mek laiin, hetiang vanduaina hi a chungah a thleng ta a ni.

Zingkar ar chaw pe tura va kal an nau chuan ui pathum chu va hmuin, ui khawih ringawt chu ani thei in an hre lo thung.

Tuna a ar tuilai hi kum khat chuang hret niin kum khat leh thla ruk vel chu nitin chat làk awm loa la tui thei tur anga ngaih a ni. A ar in chhunga ar thi ruang bakah hian 150 vel chu a bo niin an hre bawk..a hlutna belhkhawm hi cheng nuai 14 vel nia ngaih ani.

John Jahau hi Khuangleng sawhthing lei kawngah pawh a hotu berte zingah mi niin Khuangleng SCC pawh hian kuminah quintal sing chuang a ho hian an hralh leh tawh. Kuminah pawh sawrkarin sawhthing a lei tanna hmasa ber chu Khuangleng SCC hi ani..

Tin, artui tharlam kan intodelh theihna tura hma rawn hruai tu ama zarah mi 100 telin bul an rawn tan ve avang te hian kumin Chapchar Kut khan CM Chawimawina Nopui a dawng nghei nghe.

Zan khat thilthu a hetiang vanduaina a tawh chungchangah hian Champhai Police leh Forensic lam pawn theihtawp in a hmunah kalin hma an la mek a ni.