News

Armed Veng Local Council Local Council leh Joint YMA chuan a hnuaia tarlan ang hian thuchhuah an siam.

Armed Veng thuchhuah :

Ni 16.06.2026 (Thawhlehni) a Chhinga Veng Thalai Pawl inti ten Dawrpui Thlanmuala Armed Veng khawtlang leh kohhrante thuziak an lakthlak/tihchhiat chungchang leh Armed Veng mipuite thlabara an siam chungchang chu ni 16.06.2026 (Thawhlehni) zana Local Council kaihhruaina-a joint NGO meeting chuan a ngaihtuah a, hetiang hian thutlukna a siam.

1.Dawrpui Thlanmuala khawtlang leh kohhrante thuziak (hoarding/welcome to Armed Veng etc.) an lakthlak te chu ni 18.06.2026 (Ningani) aia tlai loah siam tha a, tar leh vek turin kan ngen.

2.Chhinga Veng Thalai Pawl inti ten Armed Veng mipui nunau pawi sawi lo, aurinna hmanga an vau leh thlabar taka an siam chu pawi kan ti hle. Tun hnuah hetiang thil hi thleng tawh lo se kan ti.

3.Chhinga Veng leh a thenawm vengte ramri buaina chungchang hi a rang thei ang berin thuneituten chingfel se kan ti.