Assembly Speaker a lawm lo?

Assembly Speaker Lalbiakzama chuan vawiin (9.3.2026) Assembly Session-ah member hun an pek zat bawhpelh nasa lutuk leh member-te thusawi thei lo khawpa lo ti buai thinte microphone chu off sak an nih zel tawh dawn thu a sawi.

Tunhma zawngin Mizoram Assembly House inrelbawlna chuan fak a hlawh thin thu sawiin Lalbiakzama chuan, “India ramah chuan tha filawr lak anga sawi kan ni thin. House proceedings hi TV leh social media-a pek chhuah a nih hnu hian vai tihdan kan entawn ta emaw tih mai turin member dinglai tihbuai tih buai hrim hrim duh vanga lo auhbuai re, hun pek nasa taka pela thusawite, Speaker address loa member dang address maite leh thildang mawi lo tak tak a thleng ta fo. Member-ten kan rights kan sawirualin, responsibility kan neive a ni,” a ti.

Assembly Speaker sawi danin, member-in thu an sawiin warning bell leh final bell a rik hnuah member-te thusawi kal laklawh a awm theih vangin, minute 2 dang hun pek an ni ang. Chumi hnuah thusawi titawp lote chu an microphone off sak an ni ang. Tin, member-in phalna neia thu a sawi laia, thusawi thei lek loa li tibuai thinte microphone pawh off a ni tawh dawn.