May 13, 2026
Wednesday
Rules thar Solid Waste Management Rules, 2026 hnuaiah bawlhhlawh chi liin thliar hran a ngaih tawh dawn bakah bawlhhlawh khawnah door to door collection-a tih tur a ni.
Vawiin (13.5.2026) a Solid Waste Management Rules, 2026 inhrilhfiahna hun Planning Conference Hall-a buatsaiha tarlan a nih danin, bawlhhlawhte chu tawihthei, tawihthei lo, sanitary waste (diaper, sanitary pad) leh special care waste (rawng bur, damdawi bur etc) ahte thliar hran tawh tur a ni.
Tin, he rules hian bawlhhlawhte door to door collection-a khawn ngei a phut a ni. Bawlhhlawhte khawn kim vek tur niin, door to door collection hi chumi hlawhtlinna atan chuan a pawimawh dawn.
Bawlhhlawh chi li-a thliar leh door to door collection a hlawhtlin theihna atan hian corporator-te chu an ward chhung theuha hmala tantu tur atana ruat an ni.
