Bawlhhlawh paih dan vangin FIR thehlut

Riangvaite Thlanmual bula Lunglei khawpui bawlhhlawh paih dan chungchangah Vanramchhuangi (Ruatfela Nu) chuan vawiin (August 15, 2026) chawhma dar 10:15 khan Lunglei Police Stationah FIR a thehlut. Lunglei khawpui bawlhhlawh, khawpui chhung (municipal area ) a paih chu sual thiltih (crime) a nih thu a ziak lang.

FIR a thehluhah Ruatfela Nu chuan Lunglei khawpui bawlhhlawh paihna chu District Urban Development Officer (DUDO) enkawl nge Lunglei Municipal Council (LMC) tih pawh chiang lo chu August 14 Zirtawpni, khan a hmunah an enfiah thu a sawi a; an enfiah chhan chu kum 2024 atanga thal khawro laia kang ziah, a khu tuartute’n Centre for Environment & Social Justice (CESJ) a an zualko vang leh, CESJ hian bawlhhlawh sawngbawl that loh chu thilsiam tinreng tana chhiatna thlentu anih avangin, a mawhphurtu department-te High Court /Supreme Court leh National Green Tribunal (NGT) a an thlen thin vang a nih thu a thlen.

Vanramchhuangi chuan a nihna takah chuan Lunglei nhawpui bawlhhlawh, khawpui chhung (municipal area ) a paih chu sual thiltih (crime) a nih thu sawiin, “Thalah hal khuk a ni ziaha, a khu rimchhe tak chu thil siamte nunna tichhe thei a nih avangin, fura bawlhhlawh tinreng, tenawm tawpkhawkte kawngpui sira paih chu sual thiltih a nih loh chuan eng thiltih nge ni ang,” a ti

Thilsiam nunna nei zawng zawng bakah tui leh tuia cheng nunna nei te, hnim leh thing leh mau, a hmuna cheng nungchate tan chhiatna thlentu a nih avangin he thil ti tute hi mana dan anga hrem ni rawh se tih chu a duh ber a nih thu Vanramchhuangi chuan a sawi a ni.

August 14 a Lunglei khawpui Bawlhhlawh paihna a tlawhnaah Vanramchhuangi chuan Mizoram hmun dangah pawh bawlhhlawh, a paihna hmun tura paih ni lo tam tak a awm thu leh chung thilte chu a lo buaipui nasat tawh thin thu a sawi. Gauhati Aizawl Bench ah PIL an thehluh tawh thu sawiin, Hauruang daia bawlhhlawh paih thin a nih chungchangah “Dan kengkawhtu, UD&PA leh LMC te an awm a; uih hi min hnim tir reng suh se. Bawlhhlawh hal khu pawhin min ti hrehawm tawh suh se,” tih chu Lungleia a lo kal chhan a nih thu sawi.