Bike ruatua puhte jail-ah

Zemabawk Venglaia cheng mi pakhat chuan ni 5.6.2026 khan zing lam dar 2 velah garage-a a dah a bike Royal Enfield Hunter MZ/01 AD-0830 chu mitu tih hriat lohte’n an rukbo thu Bawngkawn Police Station-ah a thlen a ni.

Bawngkawn Police-te hian ni 6.6.2026 khan thubuai an ziaklut a, an chhuizui nghal. An chhuizuina leh complaint thehluttu thu an zawhchianna atangin mi pali Ronald C Lalduhawma (19), Khatla East; Samuel Lalmuanawma (18), Tnahril Vengthar, Peter Vanlalnunpuia (25), Chawlhhmun bakah kum tling lo pakhat rinhleh an ni.

Heng mi palite hi Saitual Police-te chuan Saitualah an lo man a, Bawngkawn PS-ah lak an ni. Thu zawhfiah tura hun eng emaw chen kawl an nih hnuah mi pathumte hi court thu angin jail-ah dah an ni a, kumtling lo erawh Juvenile Justice Board kutah a awm thung.

Police atanga thudawn danin, mi palite hian bike hi Manipur a mi Ema hnenah an Rs. 45,000 in an hralh a, Ngopa daiah bike an inhlan chhawng a ni. Ema address hi chiang taka hriat a nih loh avangin a mobile number hmangin CAF details service provider ah dil mek a ni. CAF details a zirin hmalak chhunzawm zel a ni ang.