Jan 28, 2026
Wednesday
Higher & Technical Education (H&TE) Minister Dr. Vanlalthlana chuan Mizoram State University Bill thar tur buaipui mek a nih thu a sawi.
Nimin (27.1.2026) a media miten a office-ah an zawhna chhangin Dr Vanlalthlana chuan, “Mizoram University Bill pass a nih hnuah Bill Drafting Committee thiah a ni a, bill thar siam a nih leh dawn vangin Bill Drafting Committee thar din leh a ni. Lunglei tih chauh ni lo a dang thlak ngai pawh a awm thei, an buaipui mek,” a ti.
H&TE Minister chuan Assembly Session lo awm turah bill thar hi putluh hman a nih dawn leh dawn loh chu Pathian chauhin a hriat thu a sawi.
Tarlan tawh thin angin Mizoram State University hmunpui tur Aizawl tih chu Lungleiah thlak a nih dawn vangin bill thar Assembly House-ah pass thar a ngai a ni.
