Feb 16, 2026
Monday
Naktuk (17.2.2026) atanga ni 16.2.2026 thlenga neih tur Mizoram Legislative Assembly Session neih tur atan bill pali a lut tawh. Bill lut zingah Mizoram State University Amendment Bill a tel lo.
Hetihlai hian tun tum session-ah hian ngaihven hlawh tak Mizoram State University thuthmun Aizawla awm tura tih Lungleia awm tura thlakna tura, Mizoram State University Act tihdanglamna tur atan ammendment bill vawiin tlai dar 2:30 vel thleng khan a la lut lo.
Assembly Session atan hian bill pali a lut tawh a, chungte chu Law & Judicial, Finance, Land Revenue & Settlement leh Law & Judicial Department atanga lut a ni.
February 5, 2026-a State University Demand Committee thukhawm chuan, November 20, 2025-a HPC Conference Hall-a Chief Minister Lalduhoma’n Mizoram State University Lungleiah din a nih tur thu leh Aizawl lama dah tura dan an lo siam tawh tih danglam a nih tur thu a sawi chu Assembly Session hmasa berah State University Bill thar pu lut a, pawm turin Mizoram Sorkar an ngen nawn leh a, “A hlawhtlinna hmel, a taka hmuh a nih hma chuan state university chungchang hi a tawp thleng in a vil chhunzawm zel dawn a ni,” an ti.
