News

Vawiin (24.3.2026) hian Mizoram BJP chuan Aizawl Municipal Corporation (AMC) inthlan lo awm tura an candidate turte an office-ah puang. An candidate tur hi mi 11 an ni.

Candidate puangtu MBJP President Dr K Beichhua, MLA chuan “BJP AMC official candidate tur atana ward 11-ah candidate ṭha tak tak Pathianin min pe hi kan lawm hle. An fel ber a, an ṭha ber chu kan ti lo. Nimahsela Aizawl khawpuiin hmasawnna rahbi thar a rah theihna tur atan hian sum leh policy ṭha kan mamawh a, policy ṭha/manifesto ṭha neih ringawt hian hmasawnna min thlen loa, kan policy leh manifesto hlawhtlin theih nan chuan sum kan mamawh a ni,” a ti.

Dr K Beichhua chuan sum kan hmuh theih nan chuan kan state aṭanga sum kan hmuh leh kan tax lak khawm ringawt aṭang ringawt chuan thil tak tak a tih theih ṭhin thu sawiin keini chuan State aṭanga sum kan hmuh piah lamah Central ah Union Minister of Housing and Urban Affairs kan nei a, ani chuan AMC-ah BJP Candidate-te kan thlan tlin chuan Central Blessing min pek tur thu min hrilh,” tiin Aizawl khawpui hmasawnna chabi kawltu BJP-te an nih theih thu a sawi.

BJP candidate turte

Ward I – R. Lalhmingmawia, Bawngkawn

Ward-II Lalduhawmi, Bawngkawn

Ward IX – Lalengtluangi, Ramhlun South

Ward VII – Lallianzela, Zemabawk West

Ward VIII – Lalduhawma, Chite

Ward IX – T. Zoramthanga, Tuithiang Veng

Ward-XI – Gracy Vanlalawmpuii Pachuau, Tanhril

Ward XIII – C. Lalrinawma, Tuivamit

Ward XV – B. Lalrintluanga, Bungkawn Vengthar

Ward XVIII- K. Sanghluna, Salem Veng

Ward XIX – Liandawla, Tlangnuam Vengthar