News

Vawiin (8.5.2026) tlai dar 3:30 vel khan Lalrinfela (37), South Khawlek chu Thenzawlah a nupui hluite inah a thi a, bomb (gelatine) hmangin a intihlum nia hriat a ni.

Police atanga Bengvarna thudawn danin, Lalrinfela hi a nupui nen an inthen tawh a, a nupuite hi a pasal? nen Thenzawlah an cheng a ni. Vawiin tlai khan Lalrinfela hi a nupui hluite inah hian kalin, a nupui inbual hlanin inah hian bomb a puak a, Lalrinfela hi a thi. Mahni inthata ngaih a ni.

Lalrinfela nupui hlui hian vanneihthlak takin hliam a tuar loa, an bungrua erawh chhia a awm nual. Lalrinfela ruang hi Thenzawl Damdawi Inah postmortem a ni a, he thuziahlai hian police-te chuan thil kalpui zel dan turah thutlukna an la siam lo. Police lam chuan mahni intihlum ni ngeiah an ngai.