News

H Lalramliana (40) h/o Remsangpuii, Tlangnuam Vengthar chu nimin tlai dar 2:30 vel khan a lung hal tur bomb-in a puah khum avangin a thi.

Tlangnuam Vengthar YMA hruaitute hnen atanga Bengvarna thudawn danin, H Lalramlianate hian Tlangnuamah quarry an nei a, nimin tlaia a bomb hal tur chu chesualin, a inrin hmain bomb a puak a ni. H Lalramliana hi insaseng hman loin, bomb puahna hmunah hian a ka pawh chhawn loin tlai dar 2:30 velah a thi.

Bomb a hal dawn hian a nupui leh an hnathawk mi pathum pawh hla vak loah an awm a, bomb puakin lung vawrh darhin H Lalramliana nupui Remsangpuii ngalruh a deng tliak a, vawiinah zai a ni ang.

H Lalramliana ruang hi vawiin chhun dar 12 ah vui a ni dawn a, a nupui leh a fate pathum a kal san.