News

Food Civil Supply & Consumer Affairs (FCS&CA) Department chuan tunhnai ruahsur nasain rel kawng a tihchhiat avangin Mizoram chhungah bungraw chawkluh khaihlak deuh chungchangah mi thenkhatin buhfaiah harsatna tawh mai an hlau tih thuthang a awm tih tarlangin, “Tun dinhmunah chuan buhfai stock a tam tawk tih an tarlang.

FCS&CA Department tarlan danin, tun dinhmuna Mizoram chhunga buhfai stock zat chu hetiang hi a ni (as on dt.04.09.2026) – Mizoram chhunga FCI Godown hrang hrangah quintals 1,95,345.10 leh Mizoram chhunga Supply Godown hrang hrangah quintals 1,34,430.93, a vaiin quintals 3,29,776.03 a awm.

Tun dinhmuna FCS&CA Department-in thla khata ration buhfai a sem chhuah thin chu quintals 97,000 vel a ni a, tuna stock neih sa hian thla thum (3 months) mamawh aia tam a daih a ni. Chuvangin buhfaiah chuan mipuite thlaphanna tur a awm lo a ni.