Feb 11, 2026
Wednesday
Central Anti-Drugs Squad (CADS) te chuan nimin (10.2.2026) khan Champhai aṭanga Aizawla ruihhlo rawn tawlh lût ṭhîntu leh a ruihhlo rawn ken heroin hawng 3 an man.
Thudawn danin, he ruihhlo zuar hi hun eng emaw chen CADS-te hian an lo chhui leh lo veh tawh a ni. Nimin zing khan a ruihhlo neitu ngei hi man fuhin, a thil rawn ken heroin leh amah chu Excise & Narcotics Deptt. kutah an hlan.
He hmalakna chungchangah hian CADS-te chuan ruihhlo chu kan ṭhalaite nun tibuaitu leh an nunna hlu tak laksaktu a nih avangin ruihhlo leh ruihhlo zuarte chu khawi hmunah pawh awm se, dapchhuah hna hi an chawlhsan dawn loh thu an sawi.
File photo
(CADS lam kan be pawpa, a hming leh thlalak tarlan rem rih loah an ngai – Bengvarna)
