Central YMA-in thuchhuah siam

Central YMA chuan Assembly House-a ‘The Mizo Marriage and Inheritance of Property (Amendment) Act, 2026’ pass a nih chungchangah a hnuaia tarlan ang hian thuchhuah an siam.

CYMA thuchhuah :

Ni 02.03.2026(Thawhtanni) zana Central YMA Central Executive Committee chuan tunhnaia Mizoram State Legislative Assembly in ‘The Mizo Marriage Divorce and Inheritance of Property Act, 2014’ kan hman mek siam thatna (Amendment Bill) ‘The Mizo Marriage and Inheritance of Property (Amendment) Act, 2026’ a pass chungchang a ngaihtuah a.

He dan hian Mizo hmeichhia hnamdang pasala nei te a huam loh avangin hnamdang pasala neih a that loh zia leh pawi zia tarlanna tha tak ni ah kan ngai a.

YMA Inkhawmpui Lian vawi 75-na, October 21-23, 2026 chhunga Sakawrdai-a neih ah khan YMA Khawih No.3-na “Mizo hmeichhia ten hnamdang pasala an neih zel loh nan Central YMA hian inzirtirna nasa zawkin kalpui rawh se’ tih rel a lo ni bawk avangin hetianga hnam humhalhna leh himna tura Mizoram State Legislative Assembly-in bill a pass hi a lawmawm kan ti tak zet a ni.