Jun 15, 2026
Monday
Vawiin (15.6.2026) chawhnu dar 1:40 vel khan Lalrinpuia Punte (30) s/o Vanlalauva Punte (L), Tlabung chu lirtheia chetsualna avangin a thi.
Tlabung atanga Bengvarna thudawn danin, Bethel Ministry chuan BCM Tlabungah rawngbawlna an nei a, nizan khan a tiak a ni. Lalrinpuiate hian BCM Immanuel thuthleng an hawh chu vawiin hian pick up a dah turin an kal a, Tlabung khaw chhung kawng chhoa an tlan laiin pick up hi a bak zawngin a tawlh a, a brake-in a man thei lo.
Motor-a chuangte chu an zuangthla hlawm a, a zuangthla ve lo Lalrinpuia hi pick up hian thirban nen a chilh a ni. Damdawi in panpui nghal thuai nimah se, an thlenpui chuan chhan theih a ni tawh lo. Hliam tuar zinga pakhat chu Lunglei Civil Hospital-ah refer a ni.
