News

Lalfakmawia (47) s/o Lalhuapzauva, Bawngkawn West chu nizan (25.6.2026) zan dar 10:25 khan lirtheia chetsualna avangin a thi.

Police atanga thudawn danin, Lalfakmawia hi midang pahnih nen Brigade Road atanga Bawngkawn Traffic Point pan zawngin bolero MZ/01 AD 8031 in an tlan a, zan dar 9:30 vel khan Bawngkawn Traffic Point thlen hman deuh Synod ram chhungah an chesual a ni.

Lalfakmawia, lirthei khalhtu leh midang pakhat chuan hliam an tuar a, damdawi in panpui nghal vat an ni. Lalfakmawia hian damdawi in thlen hnuah a hliam tuar loin a thi a, midang pahnih erawh first aid pek an nih hnuah chhuah an ni. Lalfakmawia hi vawiin chhun dar 12 khan an vui.