News

Lalrinchhana (43) s/o Fangthangliana, Thingsulthliah chu a chetsualna avanga a hliam tuar loin tukin (5.2.2026) khan a thi.

Thingsulthliah atanga Bengvarna thudawn danin, January, 2026 tir lam deuh khan Lalrinchhana hi a thiante nen Pangbalkawna motor (truck) an siamlaiin, truck chunga a lawn tur chu a tla palh a ni. A tirah chuan harsatna liantham a tawk loa, motor pawh a khalh zui.

A hnu deuhah kawngsirah motor side thain, a dik loh thu a sawi a, a buai chho zui a ni. Hun eng emaw chen ZMCH ah enkawl a nih hnuah tukin khan a hliam tuar loin a thi a, vawiin tlai dar 2 ah vui a ni ang.