Chetsualna vangin mi pahnih thi

Nizan (28.7.2026) dar 7:35 vel khan 3rd IR Bn. hmunpui, Thingkah, Lawngtlai District-a hnathawhna vanga awm Armed Veng South mi pahnih chu, lirtheia chetsualna vangin an thi.

Thudawn danin, 3rd IR Bn hmunpuia awmve tho Aizawl lam mi chu a mu an kaitho zo lo a, confirmation ti turin Lawngtlai District Hospital panpui a ni. Hemi zuia car-a kalve mi pathumte chu Thingkah daiah chesualin kawngthlangah an tlan liam a, mi pahnih chetsualna hmunahb hian an thi a ni.

Chetsualna hmuna thite chu Havildar R Lalremruata (53) s/o R Hrangdailova, Armed Veng South leh Laldinpari (56) w/o SI Lalhmuliana, Armed Veng South te an ni. Nizan khan Thingkahah lumenpui an ni a, an vengah vui an ni ang. Ruang chhuahpui theih hun tur hriat a la nih loh vangin vui hun tur a la hriat loh.

Car khalhtu Lalchhawngsanga, Lunglei Luangmual Veng chuan hliamna tak a tuar a, Lawngtlai District Hospital-ah enkawl a ni.

Lalremruata hi police football player thin niin, a fapa Laldinliana chu professional footballer ni mek a ni..