Jan 26, 2026
Monday
Nimin (25.1.2026) khan Phullen Vengthar Pastor Bial KṬP Inkhawmpuia tel tura Luangpawn aṭanga car hmanga kalte chu an chesual a, mi pahnihin nunna chanin, pakhatin hliam a tuar.
Thu dawn danin, Luangpawn atanga Bial KṬP Inkhawmpuia tel tura kalte hi Phullen thlen hma Raipuar kawr bulah chesualin, kawng thlang lamah an tlan liam a ni. Car neitu, a khalhtu ni bawk Lalthansanga (33) leh Lallawmsanga (37) chu a hmunah an thi nghal. Lallawmzira chuan hliam tuarin damdawi inah enkawl mek a ni.
An chetsual hun hriat a ni loa, Luangpawn hi chawhma inkhawm banah an chhuahsan. Phullen hi kms. 19.4 a hla a ni.
An chetsualna hmun hi kham chhengchhe tak a nih avangin ruang leh hliam tuar lak chhuah pawh a buaithlak hle.
