Chief Minister-in a enfiah

Ministry of Finance buatsaih seminar hmanga Shillong-a zin Chief Minister Lalduhoma chuan nimin (19.6.2026) khan, Mawdiangdiang, Shillong, NEIGRIHMS Hospital bula Mizoram Sorkarin damlo, he hospital pantute thlenna tura a buatsaih patient lodge sak mek a tlawh a, luah theiha buatsaih zui dan tur a en.

He patient lodge sakna atana approved cost chu cheng vbc. 4.19 niin NEC Fund atanga thawh a ni a. NEC hian fund zawng zawng an release tawh a, project hi 100% complete thuak tawh niin khum 60 awm tura ruahman a ni.

Chief Minister ho hian NEC project in ken tel loh mamawh dang la awm; a hungna te, a kawt pavement te, furniture leina turte sawi ho a ni. NEIGHRIMS Hospital-a thite han chawlpuina tur leh thlahliamna tur an mamawh thu Shillong Mizo Welfare chuan an lo thlen.

Tin, he hmuna thawktute chenna tur pawh sak a tul nia ngaih a ni. Heng mamawhte hi PWD-in estimate leh proposal siamin Planning Department ah thehlut se, an ti. Tui supply atan Meghalaya Sawrkar chuan tui drill phalna a pe tawh a, hma lak mek a ni.

Chief Minister hi NG Yirmayai, IES, Director (Health Sector), NEC te, Mizoram Sorkar Planning Department leh PWD official-ten an tawiawm a ni.