Home

News

Chief Minister-in YES a hmanpui

News

Chief Minister-in YES a hmanpui

Chief Minister-in YES a hmanpui

Vawiin (3.11.2026) hian Chief Minister Lalduhoma chuan Woodland Hill, Zonuamah Mizoram Entrepreneurs’ Chamber buatsaih Youth Entrepreneurs Summit (YES), 2026 a hmanpui.

Chief Minister chuan thu sawiin, “He hun rawn hmanpui che u ka phur hle a, ka tui zawng tak mai a ni. A buatsaihtute chungah pawh ka lawm. A tel hi tam lo mahila kan ram tan a pawimawh a ni. Kum 2047 thlirin kawng tinrengah hma kan la a, Transform Mizoram Vision kan duang a ni. Tunah hian Mizoram mipui hi India mipui zaa 0.9 vel kan ni a, India GDP ah 0.1 % vel kan thawh ve. Hei hi kum 2047 -ah chuan 1% nihtir kan tum a, per capita ang chuan kan 2047 target chu cheng nuai 16 a ni. Chu dinhmun kan thlen theih nan chuan a bulthut atangin hma kan la. Kut hnathawktute tan thlai thar eng emaw zatah support price kan pe a, animal insurance leh crop insurance pawh kan kalpui. Awlsam zawka kan entrepreneurs ten pawisa puk tur an hmuh zung zung theih nan kan puala bank neihte hi tha kan ti a. A zirchiangtu tur committee kan din tawh a, a taka chantir thuai kan tum dawn a ni.,” a ti.

Bana Kaih CM Special Package hmangin eizawnna tenaua bultan duh leh an neihsa tilian duhte tan kawng an hawng tih sawiin Lalduhoma chuan, “Tlema a lian tham deuha hma la duhte tan loan component kan nei bawk. Bana Kaih thawhpuina hi project tha neite tan chauh a hmuh theih thung a, induhsakna emaw thlei bik neia kalpui a ni lo. Chuvang chuan kan thlen chinah pawh kan lawm a, loan hmutute zingah loan rul tha lo tumah an la awm lo. Entrepreneur thate tan dinchhuah theihna kawngka kan hawng a, hetiang scheme tha hi hmun dangah hmuh tur a vang ngawtin kan ring a ni. Thil thar ngaihtuah chhuah (Innovation) lamah hian tan kan lak a tul hle a. Innovation Facility Centre pawh kan nei Innovation Award te kan siam a, bultan thar turte tan Venture Capital Fund-te kan siam,” tiin, Mizoram Start Up Mission-te pawh din a nih thu a sawi.

More Posts

District Magistrate-in ngenna a siam

Aizawl District Magistrate chuan Krismas leh kumthar vuakveta halpuah leh halmawi hman khapna dan zawm chungchangah ngenna a siam a, “Mipuite hriselna leh himna atan leh kan chhehvel boruak leh leilung a lo thianghlim zawkna atan Mizoram sorkar chuan Halpuah, Halmawi leh a kaihhnawih lam chi reng reng hman, kawl leh zawrh khapna dan ‘The […]

Iron rod endik tan

Legal Metrology chuan an thupek chhuah bawhzuiin nimin (11.11.2026) aṭang khan Aizawlah iron rod hralh dan an edik ṭan. Mizoram chhunga iron rod zawrhte a size a dik loh nasat avangin hei hian mimal leh sawrkar building sak naahte nasa takin nghawng ṭha lo a nei thei a, hetianga rod size te lo lut zel […]

MNF-in Babie-i thusawi an chhanglet

MNF Treasurer Lalruatkima, Revenue Minister hlui chuan vawiin (12.11.2026) hian party office-ah press conference neiin, Aizawl khawpui atanga Assam Rifles sawn chhuah kaihhnawihah party pakhatin sipai pension tawh mi pakhat hmanruaa hmang anga ngaihtheihin thu dik lo an vawrh darh chiam mai nia sawiin, “MNF Party chuan na takin a dem. Thu belhchian dawl lo […]