Jun 07, 2026
Sunday
June 5, 2026 khan Champhai District, Aizawl road-ah dan loa thil tawlh ruk a awm tih intelligence report rintlak tak hmuh a nih hnuin, Assam Rifles leh Champhai Police tangkawp chuan joint operation an nei.
Ruahmanna felfai tak hnuaiah joint team-te chuan an report dawnin a sawi hmun chu uluk takin an dap a ni. An dapnaah ram dang siam cigarette case 20, a man tlangpui cheng nuai 48 hu vel hmu chhuakin an man. A neitu erawh an man tel lo.
An thil mante hi Champhai-a Legal Metrology Department kutah chhui zui leh dan anga hmalak chhunzawm turin an hlan.
Assam Rifles chuan he thil man hian Indo-Myanmar ramri, Mizoram-a dan loa thil tawlh ruk titawp tura an inpekna leh ram venhimna an ngaih pawimawh zia a tilang.
