Cigarette thahnem tak tihchhiat a ni

Vawiin (24.1.2025) hian July 2024 leh September, 2025 chhunga ram dang atanga dan lova cigarette lakluh Controller of Legal Metrology thupek leh District Magistrate hriatpuinain Legal Metrology Office tual, Champhai Vengsangah tihchhiat a ni.

He hun hmanpuitu Champhai Bawrhsap Mohammad Aaquib chuan dan lova cigarette lakluh leh zawrh mante tihralna hun hman a ni chu tha a tih thu sawiin, ‘Dan loa thil tih do kawngah rah tha a chhuah ngei ka beisei,” tiin mipui rawngbawl sak leh dan lova thil tih do kawnga Legal Metrology-te thawhpuitu Assam Rifles, Police Department, District Anti-Tobacco Squad-te thahnemngaihna fakawm a ti thu a sawi.

Inkhawm kaihruaitu Legal Metrology, Asst. Controller V Lalfakzuala chuan Legal Metrology (Packaged Commodities) Rules 2011 rule 6 leh ‘The Legal Metrology Act, 2009 section 18 in thuneihna a pek angin dan bawhchhiaa lakluh foreign cigarette-te man thin an nih thu sawiin, ‘Dan lova lakluh cigarette te’n chhiah an chawi lova, declaration mumal an nei loa, dan hnuaia zawrh chhuah thin cigarette hralhna chena a nghawng avangin man thin an ni,’ a ti.

Vawiina cigarette an tihchhiatte hi brand hrang hrang packet 1,50,000, tualchhung rate-a chhuta cheng nuai 150 man hu a ni. Heng contraband cigarettes te hian Legal Metrology Act , 2009 an zawm loh avangin Rule 19 hnuai a sub rule (4) & (6) Legal Metrology ( Enforcement ) Rule, 2010 hmangin Cotroller of Legal Metrology in Disposal order a chhuah hmanga tihchhiat a ni.