News

Vawiin (16.6.2026) chawhma khan Chief Minister Lalduhoma hoin a office-ah Planning & Programme Implementation Department leh Finance Department hotute an thukhawm a, Ministry of Finance-in hmarchhak huapa Institutional Capacity in North Eastern Region Workshop, Shillong-a neih tur inbuatsaihna an nei. SASCI hnathawh mek leh hmachhawpte an thlirho nghal. Meeting-ah hian Adviser to CM (Finance) TBC Lalvenchhunga pawh a tel.

Ministry of Finance, Government of India chuan India hmarchhak biala Externally Aided Project kalpui chungchangah awmze nei zawka kalpui a nih theih dan tur zirhona – Strengthening Institutional Capacity a buatsaih dawn. Hmarchhak biala EAP Institution leh Technical Capacity tihchak dan tur te, state hrang hrangten EAP an kalpuina lama an tawnhriat inhrilhtawnnate leh ministry hrang hrangte tha zawka an thawhho dan turte an zirho dawn a ni. He workshop-ah hian hmarchhak biala Chief Minister zawng zawngte chu tel tura beisei an ni a, Mizoram Chief Minister pawhin thu a sawi dawn.

Workshop atana inbuatsaihnate an sawiho hnuah SASCI 2025-26 hna kal mek leh SASCI 2026-27 a hmalakna thar turte an sawiho nghal a ni.