CM hoin MRMC an thukawm

Vawiin (23.6.2026) hian Mizoram Resource Mobilization Committee (MRMC) chu an chairman, Chief Minister Lalduhoma hovin Chief Minister’s Conference Hall-ah an thukhawm a, Vice Chairman Haukhuma Hauzel, ministers – Lalrinpuii, F Rodingliana, B Lalchhanzova leh MRMC member-te an tel.

An thurel leh sawi langsar zualte:

1.Mizoramin ama puala high court a neih theih dan tur. MRMC Sub Committee on Administrative Reforms chuan May 27, 2025 khan a hranga high court neih hi a lo rawt tawh a ni. Hei hi Mizoram Peace Accord 1986 bawhzuina a ni tel. Law & Judicial Department hotute nen pawh sawiho a ni tawh a, high court dinna tur hmun hma a tha a, sawrkar sum senso a lo tlem phah dawn bakah Mizoram mipuiin an dikna chanvo awlsam zawka an chan theihna tura kawng sialna a ni.

2.MRMC hian Chief Secretary leh secretariat-a officer ten household MR an kawl zat a lo tihtlem sak tawh a, kumyin cheng vaibelchhe engemaw zat a hum theih phah. Tunah hian Mizoram Police officer-te’n orderly an kawl mi 118 vel pawh hi tihthlem leh tha an ti. Sum leh pai senso a tlem phah dawn bakah Police Department-a thawktute daihzai zawka semdarhna a ni nghal ang.

3.Sorkar kalphung fel leh chak zawk a awm theih nan district administration chak zawk din a pawimawh. DC Office tihchakna atan district tina District Rural Development Office (DRDO) te chu DC Office-a Planning & Development Wing anga zawi zawia lehlin a tul nia ngaih a ni.

4.Tin, district tina Deputy Commissioner Office te manpower tihchak an ngai avangin sorkar inrenchemna hre reng chungin thuam chak dan tur MRMC, Administrative Reforms Sub-Committee-in lo ngaihtuah se

5.Mizoram sawrkar hnuaia thawk doctor-ten an lak mek Non-Practicing Allowance (NPA) pawh ngaihtuah nawn leh a ni. Doctor ten NPA hi dik taka an lak theih nan ‘Monitoring System’ changtlung tak siam an rawt.

6.Mipuiten sawrkar atanga service an dawn “Right to Public Services Act, 2015” hnuaia Service 197 tarlante chu a hun taka a hmangtu mipuiten an hman theih nan tun aia tha zawka vil

7.Zuangtui Industrial Estate chhunga industrial plot dawngtuten a nihna ang taka an hman theih dan tur te, balu leh lung atanga chhiah lak belh theihna te, sawrkar inrelbawl dan tha zawk neih dan tur leh sum inrenchemna lam thil eng emaw zat