CM-in an ngaihdan a sawi chhuak

Chief Minister Lalduhoma chuan vawiin (24.7.2027) hian Foreign Contribution (Regulation) Amendment (FCRA) Bill, 2026 chungchang leh NEET exam paper leakout chungchang a sawi chhuak.

Kawrthah North Village Council chuan Deen Dayal Upadhyay Panchayat Satat Vikas, 2025 hnuai ah “Clean & Green Panchayat” lawmman pakhatna an dawn lawmna an khuaah an buatsaih a hmanpuinaah CM hian FCRA Bill leh NEET exam paper leakout chungchang hi a sawi chhuak a ni.

Tun hnaia India rama thil thleng chungchangah Chief Minister chuan, “Sorkar laipuiin FCRA Amendment kalpui a tum danah kan tana pawm theih loh a awm tih kan hria. Naktukah Council of Churhches in Mizoram leh Mizoram Kohhran Huriatute Committee hruaitute meeting kan neihpui ang a, he amendment an kalpuina tura kan duh dante Central Sorkarah kan thlen dawn a ni,” a ti.

Chief Minister chuan tun laiin NEET Exam paper leakout avangin India ram pumah thalaiten lungawi lohna an lantir tih sawiin, “Aizawlah pawh niminah te, niminpiahahte kan thalaite an pung khawm. Heng kan thalaite hi kan thlawp a ni,” tiin, movement kal meka chawngheia nawrhna kalpuitu Sonam Wangchuk pawh an thlawpin an tawrhpui thu a sawi.