CM-in MISMA Fight Night a hmanpui

Nizan (30.5.2026) khan Mizoram Mixed Martial Arts Association (MISMA) buaitsaih MISMA Fight Night chu R. Dengṭhuama Indoor Stadium, Mualpui-ah neih a ni a, Chief Minister Lalduhoma’n a telpui.

Chief Minister thu sawiin, Southeast Asia atanga UFC Champion hmasa ber Joshua ‘The Fearless’ Van chawimawi a ni chu Zoram mipuite tan chhinchhiah tlak tak a nih thu a sawi a, “Bristish-in hming dik lo min pe, Mizorama chengte Lushai, Myanmar-a chengte Chin leh Manipur-a chengte Kuki-te tiin. Hei hi kan generic name a ni lo. Lusei, Chin leh Kuki hi hnam pakhat leh chhungkua pakhat kan ni,” tiin inzawmna leh unauna tha neih a pawimawhzia a sawi.

Joshua Van chu a mite aiawhin khawvel hmaah a ding tih sawiin Lalduhuma chuan, “Chu chuan hnam inpumkhatna leh inpawhna a tichak zual a ni. Joshua Van hi a chhuanawm hle. A professional record ropui tak – vawi 17 hnehna chang tawhin, vawi 9 knockout (17 wins with 9 knockouts) hmanga hnehna a lo neih tawh,” a ti.

Chief Minister chuan Joshua Van record hian ṭhalaite tan chona a siam thu sawiin, “Dinhmun sang tak thlen nan chuan mahni inthunun theihna te, teirei peihna leh rilru chhel tak (strong mental fortitude) neih a ṭul,” a ti.

Chief Minister chuan Joshua Van-a hlawhtlinn chu tum sang zawk neihna atan leh khawvel hmachhawn ngam zelna atan hmang tura Mizo thalaite fuihin, Mizoram chuan a hmachhawp zawng zawngah a tawiawm zel dawn tih Joshua Van hi a hrilh.