News

Vawiin (17.5.2026) chawhnu dar 2 khan Chief Minister Lalduhoma chuan a bangla-ah Mizoram tlawha lo zin mek Union Minister of State for Consumer Affairs, Food & Public Distribution Nimuben Jayantibhai Bambhaniya a kawm.

Chief Minister hian Mizoram tlawha a rawn zin avangin lawmthu a hrilh a, hlim taka hmun hmang tura duhsakna hlanin, Mizoram tana thil pawimawh pali a sawipui. Chungte chu:

1.Open Market Sales Scheme (OMSS) hnuaia buhfai tam zawk lei phalsak chungchang.

2.OMSS atanga lei a rem loh pawha Bharat Rice atanga lei phalsak.

3.NFSA Mizoram rice allocation Quota tihpun chungchang, leh

4.Central sector scheme awm thin, ‘Storage & Godown’ tihnun thar leh chungchangte an ni.

Union Minister hian Chief Minister thusawite chu a lo bawhzui tur thu a sawi a, Mizoram chu mawi a tih thu leh nuam a tih thu Chief Minister hi a hrilh. Chief Minister hi FCS&CA Minister B. Lalchhanzova leh official pawimawhten an tawiawm a ni.