News

Vawiin (8.8.2026) tlai khan MLA Conference Hall, Assembly Annex-ah Social Welfare, Women & Child Development (SWWCD) Department bultumin Bana Kaih (Handholding Policy) hnuaia progress partner-te hnenah CM Special Package pek an ni a, Accredited Drug Treatment Centre-te hnenah accreditation certificate leh grant-in-aid (GIA) pek chhuah nghal a ni. He hun hi Chief Minister alduhoma chuan khuallian niin a hmanpui a, SWWCD Minister Lalrinpuii chu khualzahawm a ni.

Chief Minister chuan thu sawiin, “Thalai tam tak ruihhlo sala an tan mek avanga chhungkua leh khawtlang a nghawng nasa hi a pawi. Ruihhlo ngaite enkawl leh nun kawng pangaia an kir leh theihna tura kohhran, tlawmngai pawl leh rinna behchhana rehabilitation centre/home hrang hrangte thawhrimna a lawmawm. Ruihhlo zawrh leh thehdarh dohna kawngah sorkarin hma nasa takin a la. Social Welfare Minister pawhin ruihhlo ngaite a vei hle. Sawrkar chuan theihtawp a chhuah a, NGO leh kohhrante sawrkar ai mahin an tang. A enkawlna lamah kohhrante an thawhhlawk hle,” tiin thawhhona tha tak an neih theih avangin lawmawm a tih thu a sawi.

An kan kal chhan ber humsual daite enkawlna leh kan center enkawl zuina a thawk thei turte an thlang chhuak tih sawiin, “Nangni pawh in upgrade ve zel ula. Kan zavaiin Pathian rawng bawltute kan nih angin Pathian kan rin tlat chuan kan hnathawhah hlawhtlinna kan hmu ngei ang. Ruihhlo bansan-te nun thar an neih theihna turin sorkarin support a pe mek a, Hulhliap-a awm tawh te zingah skill training chi 13 pek a niin, mi 194-in training dawn. Ruihhlo bansantute Hulhliapa rehabilitation centre-te a an awm lai aiin vawiinah an hmel hmuh a nuam hle,” a ti.

Social Welfare Minister Lalrinpuii pawhin thu sawiin, “Mizoram Sawrkar hnuaia ruihhlo ngaite an hmakhua a en a, an chak loh chung pawhin an banah sawrkarin a kaih a in huam,” tiin progress partner min 33-te CM ngeiin financial assistance hi hlan an duh chhan sawiin, “CM ngei hian bana kaih ngaite kan kai ang, tiin a lo sawi thin a, vawiinah a mah ngeiin he hun min hmanpui thei hi a lawmawm,” tiin ruihhlo dotute leh enkawlngaite hian awmze nei zawk a enkawlna dawn dan ngaihtuahin, Narcotic Anonimous System chu kohhran behchhana hman tum a nih thu a sawi.