CMO-a thawkte thingpui inpui

Vawiin (5.12.2025) chawhma khan Chief Minister Lalduhoma chuan Chief Minister Office (CMO)-a thawkte chu CM Conference Hall-ah thingpui a inpui a, ngaihdam chu ngaidamtu tan pawh damna a nih thu a sawi.

Chief Minister hian CMO-a thawkte chu kum thar chibai bukin, an hnathawhna theuhah tha taka thawk chhunzawm turin duhsakna a hlan a, “Chief Minister mawhphurhna ka lak rualin thawhpui tur tha min pe turin Pathian hnenah ka dil a. Nangni hi min pe ta a ni. In thawkrim tlang thin tih ka hria a, ka lawm. Kan ram tan leh Pathian tan hna kan thawk a ni tih hriain taima takin kan thawk zel dawn nia” a ti.

Rinawm a pawimawh thu sawiin Lalduhoma chuan, “Tumah hi fel famkim kan awm loh avangin inngaihdam a tul hun a awm bawk thin. Ngaihdam hi a ngaidamtu tan pawh damna a ni. Kan tlin tawk lohnaahte inngaidam tawn chungin lungrual takin kan thawk thin dawn nia,’ tiin a fuih. Chief Minister hian cake zaiin, thingpui nen an eiho a ni.