Coaching kal turte MLA-in sponsored

Tawi Bialtu MLA Prof. Lalnilawma, Minister of State chuan a bial chhunga zirlai 21 Civil Service Coaching kal turte chu a sponsored-a, vawiin (25.2.2026) chhun khan a office-ah coaching an kalna tur senso a hlan.

Prof. Lalnilawma hi Tlanglian Academy, Aizawl nen thawkoin, an bial chhungah Bialtu MLA-in bacherlo zirlai leh zir chhuak tawh Civil Service Coaching kal duhte a sponsored dawn thu leh dil dan tur vel tih darh a ni. A dilte zing atangin Tlanglian Academy chuan inelna buatsaihin, MLA sponsored tur mi 21 te hi an thlan chhuak. Mi 21 te hian Tlanglian Academy-ah hian coaching hi an kal dawn.

Vawiina sponsored pawisa hlanna inkhawmah Prof. Lalnilawma chuan coaching kal turte chu hlawhtling ngei turin theihtawp chhuah turin a fuih a, Bialtu MLA a nih angin an mamawhnaah leh, an hlawhtlin theihna tur kawng a nih dawn chuan engtik lai pawhin a in hawn reng thu a sawi.

Prof Lalnilawma chuan, “Bialtu MLA ka nihna angin theihtawp keimah ni lam chuan kan chhuah a, kan rawn chhuahzel dawn. A hlawhtlinna tak tak chu nangmah niah a innghat dawn a, Chuvang chuan tih takzet in, theihtawpin lo tang turin ka ngen a che u. ⁠Tun hi a bul tanna chauh a ni. Tawi Bial chhunga zirlai taima leh tih takzeta lehkhazir tumte tan chuan hma kan la zel dawn,” a ti.