News

Aizawl DC chuan Mizoram Agricultural Marketing Board (MAMB) kaltlanga Mizoram Sawrkarin sawhthing chingtute hnena, sawhthing support price a pekchhuah chungchangah sawhthing chingtu/hralhtu thenkhat hnen atanga complaint dawn a nih avang leh sawhthing chingtuten an sawhthing hralhna atanga support price dik taka an dawn theihnan District Agricultural Marketing Committee (DAMC) ah complaint thehluh theih turin Mizoram Agricultural Marketing Board (MAMB) chuan Officer Order No.B.13011/1/2024-MAMB dt.1.12.2025 hmangin thuchhuah a siam.

Complaint thehluh dan tur :

Complain-na lehkha chu Primary Society hruaituten SOP for Societies a inziak angin sawhthing chu society member tharchhuah leh Primary Collection Centre (PCC) kaltlanga hralh ngei niin register/record bu ah a rih zawng leh quality pawh a chuang ngei a ni tih an certify hmasa tur a ni.

Chumi hnuah Secondary Collection Centre (SCC) hruaitu/enkawltu ten SCC-a Thlai Thleng Register leh Thlai Thleng Challan ah a rih zawng diktak nen ziahluh ngei a ni tih lanna photo copy nen DAMC-a thehluh turin an certify thei ang.

Complain-na lehkha chu Primary Society leh Secondary Collection Centre enkawltu/hruaitu ten an recommend/certify hnuah DAMC-ah rawn thehluh tur a ni.

Uluk taka DAMC-in a zirchian hnuah, support price pek tlak nia ngaihte chu Mizoram Agricultural Marketing Board (MAMB) ah thehluh leh a ni ang.