Consumer mobile check post buatsaih

Tukin (8.8.2026) dar 6:00 – 9:00 chhung khan Mizoram Consumers Union Hqrs., Legal Metrology Dept leh Dawrpui Local Council ten Israel Point bul, Dawrpui Veng, Aizawlah consumer in a thil lei a enfiah theihna tur dawhkan buatsaihin ‘consumer awareness’ an buatsaih nghal.

Consumer pamphlet te semin, consumers 150 chuangin an thil lei chi hrang hrang bùk a tling nge tling lo an endik nawn. Thilzuar tam takten an thil zawrh, an buktling that loh an man chhuahsak. Heng buk tling lote hi an leina dawr leh kawtkai-ah buktling ngei turin, Legal Metrology, Dawrpui Local Council leh Consumer Union-te hmuh lai ngeiin an tih that tir leh vek a ni.

Tin, thil zuar bukna hmanraw te chî, (metrology certified loh) kitchen scale hmang an awm nual a, hmang zui tawh lo tura ngen leh hriattir an ni. Alu bag an lei tam takte phei chu buktling a awm meuh lo. Hengho hi Consumer Union-ten an leina dawrah an umzui sak dawn.

Mipui bazar tam tak ten hetiang mipui dikna chanvo (consumer right) awareness MCU Gen. Hqrs. Aizawl hruaitu ten an nei hi tha an tiin, an lawm hle. Hetianga hmalakna hi Aizawl leh district hrang hranga Khaw thenkhatah MCU in kalpui zel an tum a ni. Tunkar hian an hruaitu engemawzat an feh chhuak dawn.