News

Mizoram Contractors Association (MCA) chuan Mizoram mellung phun tute zingah contractor-te hi kil khata lung pawimawh tak an nih thu tarlangin, “Thang lo thar chho zelte tan chhuan tlak hnathawk tura kan in beisei laia, tute emaw contractor hmai tibal zawnga hnathawk kan awm leh thin hi a pawi kan ti a, hetiang thil hi a awm tawh loh nan a theih chen chenah enpui theih zel kan duh hle a ni,” an ti.

Mizoram Sorkar chu contract hna pekna kawngah a hma zawng aia fimkhur tura ngenin MCA chuan, party induhsak nan mai hmang loa, ram rotling thangtharte hnutchhiah tur thawk thei tu tur thlang chhuak thin tura an duh thu an tarlang.