May 07, 2026
Thursday
Vawiin (7.5.2026) hian AMC inthlan neih zawh taka corporator atana thlan tlinte chu corporator atan Aizawl DC-in rinawmna thu tiam tirin a la lut ta.
Corporator lakluh zawh hian mayor leh dy. mayor tur thlan a ni a, Ward XIV Roy Lalhriatpuia’n a mayor atan Ward VI H Lalremtluanga a rawt a, Ward I Vanlalhriata’n a thlawpa, chuhtu awm loin a tling.
Dy. mayor atan Ward IV Vanlalhriatrengi chuan Ward XVI R Lalawmpuii a rawt a, Ward VII Zochhuana’n a thlawp. R Lalawmpuii pawh chuhtu awm loin a tling.
Mayor leh Dy. Mayor lakluh an nih hnuah Mayor H Lalremtluanga chuan executive corporator atan Ward VIII Christina Roluahpuii Sailo, Ward XIII Vanlalhruaia, Ward III Vanlalfaka leh Ward XVIII K Lalrodingate a ruat thu puangin, anni pawh execitive corporator atan lakluh ve nghal an ni.
