Court-in hremna ti chhuak

Vawiin (July 24, 2026) Special Court, Prevention of Corruption Act Judge, F. Rohlupuia chuan M/s Mizo Carbon Product subsidy eiruk thubuaia nimina thiam loh a chantirte hremna a ti chhuak.

Special Court hian Ravi Gulgulia, Guwahati, Assam; Vimal Kishore, Silchar, Assam; Pramod Bharech, Kolkata, West Bengal leh Sandeep Agarwal, Guwahati, Assam-te chu kum 2 chhung jail tang tur leh Rs. 1,50,000 chawi tur theuhin a hrem a ni. Court chuan heng mi palite hi Section 120b, 420 leh 471 IPC hnuaiah thiam loh a chantir a; midang 13 te erawh thiam a chantir thung.

He thubuai hi kum 2017 atangin hun rei tak chhung a lo kal tawh a. Industrial Growth Centre, Luangmual a Mizo Carbon Product Ltd te chuan sawrkar laipuiin hmarchhak biala thil siamchhuahna tih hmasawnna atana a ruahman, Central Transport Subsidy (CTS) leh Central Capital Investment Subsidy (CCIS) a pek te chu dik lo takin an dil nia sawi a ni.

CTS leh CCIS hnuaiah hian cheng vbc. 3.41 crore vel an la tawh nia sawi a ni. CTS Leh CCIS hnuaia subsidy dawng tur hian coke siam chhuahna tura hmanrua te, phurh kualna leh lehkha dangte chu lehkha lem hmanga lak vek niin sawi a ni bawk