Crop insurance ruahman a ni

Vawiin (25.2.2026) Assembly Session-ah Agriculture Minister PC Vanlalruata chuan ZPM member Lalramliana Papuia zawhna chhangin sorkarin kut hnathawktute tan crop insurance a ruahman thu a sawi.

Agriculture Minister chuan an department-in PMFBY scheme kalpui turin hma a la mek tih sawiin, “PMFBY hnuaia committee sang ber State Level Coordination Committee on Crop Insurance chuan thlai leh district thlanah crop insurance a kalpui. Thlai luman siam hi a vawi khatna a nih avangin tih zung zung theih a nih lo,” a ti.

PC Vanlalruata sawi danin, crop insurance hi hectare khat chauhah kut hnathawktute’n 10%, hectare 1-5 ah 20% leh hectare 5 chinah 50% an tum a ngai dawn. Kut hnathawktute tum bak zawng chu Bana Kaih Scheme sorkarin a tum sak ang. Thlai insurance hi thlai an chin tamna deuh district-ah kalpui phawt a ni ang a, hmun dangah pawh kalpui chhoh zel tum a ni.

Thlai insurance tih theihna dan tur. Sawhthing – district zawng zawngah; buh – Champhai, Kolasib leh Mamit; Mizo hmarcha – Serchhip, Saitual leh Hnahthial; zikhlum – Serchhip leh bawkbawn – Serchhipahte a ni.