Feb 21, 2026
Saturday
Nimin (20.2.2026) zing dar 8 vel khan Zokhawthar Police-te chuan ramriah heroin thahnem tak motor pakhat atangin an man.
Police atanga Bengvarna thudawn danin Zokhawthar Police-te hian Myanmar leh India inrinaah patrolling an nei a, Myanmar lam atanga lokal Maruti Ecco Van MZ 01 H – 7874 lokal ringhlelin, an lo endik a ni.
Motor atang hian Crystal Methamphetamine, Guanyinwang Refined Chinese Tea tih inziak pack 8 leh Crystal Mathamphetamine, Guanyinwang tih inziak packet hnih bakah heroin sahbawn bawm 12 a dah an man. Motor khalhtu Zaena (52), Lamzang, Myanmar pawh an man nghal. Zaena hi Tiau Khawmawi, Myanmar-a cheng rih a ni.
Crystal methamphetamine hi a vaiin kgs. 10.25, cheng vbc. 30.77 man hua chhut niin, heroin hi grams 145, cheng nuai 29 man nan hua chhut a ni.
